د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوړپوړى دولتي پلاوى د زابل د یوه خبریال د وژنې پېښه څېړي

لوړپوړى دولتي پلاوى د زابل د یوه خبریال د وژنې پېښه څېړي

Nov 08, 2016 - 13:41

کلات (پژواک، ١٨ لړم٩٥): يو لوړپوړى دولتي پلاوى په زابل کې د ملي راډيو تلويزيون د وژل شوي خبريال د پېښې او د دغه ولايت د امنيتي حالت ارزولو په موخه کلات ښار ته رسېدلى دى.

ناپېژاندو وسله والو د روان لمريز کال د تلې په ٢٥مه ماښام مهال د زابل ولايت د مرکز کلات په رساله سيمه کې د ملي راډيو ټلويزيون پر خبريال يعقوب شرافت ډزې وکړې چې وروسته يې په روغتون کې د سختو ټپونو له امله ساه ورکړه.

د رسنيو او ژورنالېستانو بېلابېلو ټولنو او د ملي شورا غړو له حکومت څخه د شرافت د وژلو د پېښې د کره څېړنو غوښتې کړې وي.

د زابل د والي وياند ګل اسلام سيال د لړم په ١٨مه پژواک خبري اژانس ته وويل چې يو لوړپوړى دولتي پلاوى پرون د شرافت د وژلو پېښې او د دغه ولايت د امنيتي حالت ارزولو په موخه کلات ته رسېدلى دى.

هغه زياته کړه چې په دغه پلاوي د ولسمشرۍ ماڼۍ، کورنيو چارو، دفاع وزارتونو، ملي امنيت، لويې څارنوالۍ او سيمه ييزو ارګانونو استازي شامل دي.

د سيال په وينا، دغه پلاوي پرون په کلات ښار کې د وژل شوي خبريال يعقوب شرافت کور ته ولاړل او د ولسمشرۍ له خوا يې د تسليت مراتب ورته وړاندې کړل او فاتحه يې وکړه.

دغه راز نوموړي وويل چې ياد پلاوي د ولسمشر له خوا شوې نغدي مرسته هم د شرافت د کورنۍ غړو ته وسپارله.

د زابل د والي وياند وايي چې راغلي پلاوي نن سهار يو ځل بيا د شرافت د کورنۍ غړي راغوښتي وو او د هغه د وژنې په اړه يې د کورنۍ د غړو نظر واخيست.

د هغه په وينا، دغه راز پلاوى به د دغه ولايت له نورو اړوندو مسوولينو او ارګانونو څخه د شرافت د وژنې په اړه څېړنې او معلومات کوي.

ګل اسلام سيال دغه راز وويل چې راغلى لوړپوړى پلاوى د دې ولايت امنيتي حالت هم ارزوي او له بېلابېلو ملکي، نظامي چارواکو او د ولايتي شورا له غړو سره به په دې اړه ليدنې کوي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement